Bio

Charles Casha twieled il-Marsa, Malta, fil-21 ta' Settembru, 1943. Studja fil-Liceo u wara kors ta' sentejn fil-kulleġġ "St.Michael's" huwa beda jahdem bhala ghalliem fid-dipartiment ta' l-edukazzjoni sakemm irtira fl-2004. Ghallem fl-iskejjel primarji u fl-iskejjel sekondarji fejn kien ukoll librar ta' l-iskola ghal hafna snin.

fl-1982 huwa kiseb certifikat fix-xoghol bibljotekarju u fl-1985 huwa ha diploma fl-istudji tal-Lingwi (Malti) mill-Universita` ta' Malta.

Meta kien ghadu student il-Liceo, huwa beda jikteb u fl-ahhar tas-sittinijiet kiseb popolarita` mal-qarrejja zghar bl-istejjer tieghu dwar "Fra Mudest", karattru ferriehi li seraq il-qalb tat-tfal. Dawn l-istejjer bdew jidhru fic-"Children's Own".

Barra minn hekk huwa kiteb diversi kotba ohra ghat-tfal, fosthom stejjer qosra, rumanz,drammi u kotba ghat-taghlim tal-Malti. Zewg sensiliet ta' kotba li kisbu popolarita` kbira kienu is-sensiela "Kun Af" u s-sensiela "Naqraw ma' " u " Mid-Djarji ta'...".

Il-ktieb tieghu "Il-Klabb- L-Ghaxar Anniversarju" miktub ghall-Addoloxxenti rebah il-Premju Nazzjonali Letterarju (1998) fil-qasam ta' kitba ghat-tfal u fl-2001, il-ktieb tieghu "Gummienu" rebah ukoll dan il-premju prestigjuz.

Huwa kiteb ukoll kotba ghall-adulti. F'dan il-qasam insibu hames kotba ta' novelli u erba' rumanzi.Fis-sena 2005 ir-rumanz tieghu "L-Appartament fir-raba' sular" kiseb it-tieni post fil-Premju Letterarju Nazzjonali. Sal-lum Casha ppubblika 46 ktieb.

Fl-1972 izzewweg lil Mary nee` Casingena u ghandhom tlitt itfal, Stefanja, Mark u Kristjana.

L-EWWEL PUBBLIKAZZJONIJIET

L-GHALQA FUQ L-GHOLJA (GHALL-KBAR - NOVELLA TWILA) 1968

FRA MUDEST (GHAT-TFAL) 1971

KOLIN (GHALL-KBAR - RUMANZ )1979

Bhala rikonoxximent ghall-hidma letterarja tieghu

Charles Casha nghata GIEH IL-MARSA

mill-Kunsill Lokali tal-Marsa

nhar il-25 ta'April, 2007